Prinz Tobias, der 56. von Hostede. V‘ Gartenbau Gassner’s Sprössling isch do die Rede als edler Herrscher usm Festerer Gschleacht, mag er s’Fuatgo & wenns amol länger goht, denn ischs eam o ganz reacht als Schalmei hot er erleabt einige wilde Sacha bei manchna vrgoht dr scho fast s Lacha in sina Freizit goht er ga Fischa, spielt Tennis & tuat gern Jassa sit oanahalb johr sogär im Verein g’stocha Bock mit allna Assa. und ihre Lieblichkeit Prinzessin Christine v‘Ankerwirts – do kut se her sie kennt sich us mit Gäst, des fallt era nid schwer dahoam luagt sie ufn Garta & wennd was vo era bruchsch, muasch gernid lang warta s Managen vo da Gartenwelt, des meistert se sauguat jeda Tag bringt se d Kiand, s Schaffa & s Bacha – alls unter oan Huat!

Prinz Jens der 55 von Hostede, Edler usam Federspielgschlecht. Als Künstler isch ar nit schleacht. Es muass nur alls körig roschtig si- dinn isch ar mit Leidenschaft darbi. Als Metzger vem Blaha-Hof isch er da Bescht und verwöhnt so alle Gäscht. Und ihre Lieblichkeit Prinzessin Monja usam Blaha-Hof. Ihr Fasnat kriagt se wenig schlof. Sie heats gern frey und tuat gern lacha und im Fasching lot ses körig kracha. Drü Kiand, an Hund, an schwieriga Ma, des meistrat se, wia as sus kuane ka.

Prinz Alexander der I. – 52.& 53. Prinz von Hostede - von am Michelosar isch do die Rede. Kunstschmied us Leidenschaft, Bekämpfer vo Bränd und Überschemmunga mit all sinar Kraft. Regent über´s schwäbische Meer und sine Schnäps machan ghörig was her. An Herrscher, humorvoll und heldenhaft – allzeit bereit für sine närrische Völkerschaft. Sowie Ihre Lieblichkeit Manuela vo Hard am See, dass se döt ins Wasser brünzland, isch nur a Klischee. Turmherrin vom Unterfeld übers Hus, Hund und Garta, willsch eapas vasichra, muasch ned lang warta. Ehrlich si und hilfsbereit, das isch era ganz wichtig im Leaba, des hot se so o ihra zwoa Kinder mitgeaba.